Maduro AQShda sudga tortiladi

Venesuela prezidenti Nikolas Maduro hibsga olindi va AQShda sudga tortiladi.

Respublikachi senator Mayk Li AQSh Davlat kotibi Marko Rubioga asoslanib, Venesuela prezidenti Nikolas Maduro AQShda jinoiy ayblovlar boʻyicha sudga tortilishini maʼlum qildi.

"Hozirgina AQSh Davlat kotibi Marko Rubio bilan telefonda gaplashdim. U menga Nikolas Maduro AQSh harbiylari tomonidan Qoʻshma Shtatlarda jinoiy ayblovlar bilan hibsga olinganini maʼlum qildi", deb yozdi Li ijtimoiy tarmoqlarda.

Li shuningdek, bugun Venesuelada sodir boʻlgan kuch ishlatish harakatlari hibsga olish orderini ijro etuvchilarni himoya qilish uchun koʻrilganini aytdi.

Qoʻshma Shtatlar Maduro va uning rafiqasini "narko-terrorizm"da aybladi va ular tez orada Amerika sudida javob beradilar. Bu haqda AQSh bosh prokurori Pamela Bondi X ijtimoiy media platformasida eʼlon qildi.

"Nikolas Maduro va uning rafiqasi Siliya Flores Nyu-Yorkning janubiy okrugida sudlanadi. Nikolas Maduro narko-terrorizm, kokain import qilishga fitna uyushtirish, pulemyotlar va vayronkor qurilmalarni noqonuniy saqlash va pulemyotlar va portlovchi qurilmalarga egalik qilish boʻyicha ayblanmoqda.

Ular tez orada Amerika sudlarida javob berishiga toʻgʻri keladi", dedi Bondi.

Bondi oʻz postida shuningdek, Maduroni Amerika xalqi va Amerika harbiylari nomidan operatsiya uchun javobgarlikka tortishni talab qilishdagi jasorati uchun Trampga minnatdorchilik bildirdi.

Avvalroq Tramp Venesuela prezidenti qoʻlga olinganini eʼlon qilgandi.

Maduro va uning rafiqasi ushlanib, mamlakatdan olib chiqilgan.