Sanginovning oʻgʻli "Oʻzbekgidroenergo" AJga vaqtinchalik rahbar etib tayinlandi
U 2021 yilda Toʻpalang HDP Holding bilan 138 mln dollarlik loyihani tendersiz yutib olgani shov-shuv boʻlgandi.
Abdurahmonov Islom Abdugʻaniyevich 18 dekabrdan "Oʻzbekgidroenergo" AJ boshqaruvi raisi vazifasini vaqtincha bajaruvchi lavozimiga tayinlandi.
Platina.uz ushbu masalada AJ axborot xizmati bilan bogʻlanganda ular maʼlumot berishni istashmagan edi.
U mazkur tashkilotni avval boshqargan Abdugʻani Sanginovning oʻgʻli sanaladi. 2021 yilda OAV unga qarashli boʻlgan Toʻpalang HDP Holding 138 mln dollarlik loyihani tendersiz amalga oshirgan haqida yozgandi.
Bir necha kun avval "Oʻzbekgidroenergo" AJ boshqaruvi raisi Sanginov Abdugʻani Abdurahmonovich lavozimidan ozod etilgan va "Oʻzbekneftegaz" rahbari etib tayinlangandi.