Germaniyada Alisher Usmonovga qarshi ikkinchi tergov toʻxtatildi
Milliarder Yevropa Ittifoqi sanksiyalarini buzishda gumonlangan.
Myunxen prokuraturasi USM Holding asoschisi biznesmen Alisher Usmonovga qarshi sanksiyalarni buzish boʻyicha tergovni toʻxtatdi.
Qaror Germaniya Jinoyat-protsessual kodeksining 153a-bandiga muvofiq qabul qilindi, deb aniqlik kiritdi uning advokatlari.
"Xuddi shu ayblovlar boʻyicha tergovning qayta ochilishi rad etildi. A. Usmonovga nisbatan aybsizlik prezumpsiyasi saqlanib qolmoqda", deb taʼkidlashdi advokatlar.
Nazorat organi ilgari Usmonov 2022 yil apreldan sentabrgacha Rottach-Egern munitsipalitetidagi mulklar uchun xavfsizlik xizmatlari uchun xorijiy kompaniyalar orqali pul toʻlaganini aytgan edi. Prokuratura shuningdek, u Germaniyadagi aktivlarini Iqtisodiy ishlar va eksport nazorati federal idorasiga (BAFA) deklaratsiya qilmaganlikda gumon qilgan. 2024 yilda bu hodisalar bitta ishga birlashtirildi va unga dastlabki tergov maqomi berildi.
Usmonovning advokatlari uning ushbu kompaniyalar va aktivlar bilan aloqasini rad etdi. Shu sababli Yevropa Ittifoqi sanksiyalari qoidalarining qoʻllanilishini inkor etishdi. Tergov oxir-oqibat yakunlandi.
Avvalroq, Frankfurt Bosh prokuraturasi Usmonovga qarshi pul yuvish aybi boʻyicha tergovni toʻxtatgan edi. U 2024 yil noyabr oyida ayblovlarsiz yopilgan edi.