Mahalla bankirlari va hokim yordamchilariga 2026 yilda 7,5 trillion soʻm resurs ajratiladi
Har bir mahallada 40 tadan mikro loyihani amalga oshirib, 360 ming aholini ishli qilish moʻljallangan.
2026 yili “mahallada sanoat va xizmat” loyihasi orqali 10 mingdan ziyod ishlab chiqarish va xizmat koʻrsatish loyihalarini ishga tushirish uchun 5 trillion soʻm kredit beriladi.
Kredit foizining milliy valyutada 10 foizgacha, xorijiy valyutada 4 foizgacha qismi Tadbirkorlik kompaniyasidan qoplab beriladi.
Natijada mahallalarda 100 mingta yangi ish oʻrni yaratiladi.
Har bir mahallada 40 tadan mikro loyihani amalga oshirib, 360 ming aholini ishli qilish uchun mahalla bankirlari va hokim yordamchilariga 2026 yilda yana 7,5 trillion soʻm resurs ajratiladi.
Yangi yilda mahallalardagi aholini, xususan, xotin-qizlarni sportga keng jalb etish, buning uchun zarur infratuzilmani yaratish boʻyicha uch yillik dastur qabul qilinib, bunga 1 trillion soʻm yoʻnaltiriladi.
Mahalla yoshlarining kitobxonlikka boʻlgan qiziqishini yanada oshirish maqsadida maktab kutubxonalari har yili 10 million dona badiiy adabiyotlar bilan taʼminlab boriladi.