Tojikiston-Afgʻoniston chegarasida qurolli toʻqnashuv yuz berdi
Hujum natijasida Tojikiston chegara xizmatining ikki xodimi halok boʻlgan. Tojik tomoni "Tolibon"dan xavfsizlikni kuchaytirishni soʻradi.
Tojikiston-Afgʻoniston chegarasida qurolli toʻqnashuv sodir boʻldi.
Bu haqda TASS Tojikiston Milliy xavfsizlik davlat qoʻmitasiga asoslanib xabar berdi.
Unda aytilishicha, operatsiya natijasida Tojikistonning Afgʻoniston bilan chegaradosh Xatlon viloyatining Shamsiddin Shoxin tumanida chegarani noqonuniy kesib oʻtgan terroristik tashkilotning uch aʼzosi qurolli qarshilik koʻrsatib, zararsizlantirilgan. Tojikiston chegara xizmatining ikki xodimi halok boʻlgan.
Davlat qoʻmitasi qoʻshimcha qilishicha, terrorchilar yoʻq qilinganidan soʻng, Tojikiston-Afgʻoniston chegarasidagi vaziyat tinch.
Shuni taʼkidlash kerakki, Tojikiston va Afgʻoniston 1300 kilometrdan ortiq uzunlikdagi chegaraga ega. Shundan dengiz aloqa liniyasi 1100 kilometrdan, quruqlik aloqa liniyasi esa qariyb 190 kilometrni tashkil etadi.
"Tolibon" rahbariyati Tojikiston bilan chegara xavfsizligini taʼminlash uchun qoʻshimcha choralar koʻrishi kerak. Bu haqda Tojikiston Milliy xavfsizlik davlat qoʻmitasi bayonotida aytilgan.
Unda terrorchilar chegarani noqonuniy ravishda kesib oʻtib, chegara oʻtish punktiga hujum qilishga uringani aytilgan. Bu soʻnggi bir oy ichida davlat chegarasiga qilingan uchinchi qurolli hujumdir. Bosqinchilar chegarachilarning taslim boʻlish haqidagi buyrugʻiga boʻysunmagan va qarshilik koʻrsatgan.
"Jang operatsiyasi natijasida uchta terrorchi zararsizlantirildi. Ulardan qurol, portlovchi moddalar va oʻq-dorilar musodara qilindi. Chegara qoʻshinlari "Tolibon" rahbariyati Tojikiston xalqidan uzr soʻrashiga va chegara xavfsizligini taʼminlash uchun qoʻshimcha choralar koʻrishiga umid qilmoqda", deb qoʻshimcha qildi agentlik.