Dam olish kunlari boʻyicha Prezident farmoni eʼlon qilindi
Yangi yil bayramida ketma-ket besh kun dam olish boʻladi. Bular 31 dekabrdan 4 yanvargacha boʻlgan sanalardir.
Prezidentning "2026 yilda rasmiy sanalarni nishonlash davrida qoʻshimcha ishlanmaydigan kunlarni belgilash va dam olish kunlarini koʻchirish toʻgʻrisida" farmoni eʼlon qilindi.
Quyidagi qoʻshimcha dam olish kunlari belgilandi:
- 2025 yilda barcha xodimlar uchun (ish haftasining turidan qatʼi nazar) 31 dekabr – chorshanba;
- 2026 yilda:
- barcha xodimlar uchun (ish haftasining turidan qatʼi nazar): 2 yanvar – juma, 28 may – payshanba, 29 may – juma, 31 avgust – dushanba;
- olti kunlik ish haftasida ishlaydigan xodimlar uchun: 3 yanvar – shanba, 30 may – shanba, 31 dekabr – payshanba.
Mehnat kodeksining 208-moddasiga muvofiq:
-ishlanmaydigan bayram kunlari hisoblanuvchi 8 mart – Xotin-qizlar kuni bayrami 2026 yilda yakshanba – dam olish kuniga va 21 mart – Navroʻz bayrami hamda 9 may – Xotira va qadrlash kuni bayramlari besh kunlik ish haftasida ishlaydigan xodimlar uchun shanba – dam olish kuniga toʻgʻri kelishi munosabati bilan ushbu dam olish kunlari mos ravishda 2026 yil 9 mart, 23 mart va 11 may – dushanba kunlariga koʻchirilishi;
- ishlab chiqarish-texnik va tashkiliy sharoitlar (mavjud uzluksiz ishlab chiqarish, aholiga har kuni xizmat koʻrsatish, navbatchilik asosida ishlash va boshqalar) tufayli ishlanmaydigan bayram kunlari toʻxtatib qoʻyish mumkin boʻlmagan ishlarni bajarishda dam olish kunlari koʻchirilmasligi maʼlumot uchun qabul qilinsin.
3. Besh kunlik ish haftasida ishlaydigan xodimlar uchun dam olish kuni 2026 yilda 12 dekabr – shanba kunidan 31 dekabr – payshanba kuniga koʻchiriladi.