AQSh "grin karta" dasturini toʻxtatib qoʻydi
Bunga Braun universitetidagi otishma sabab boʻlgan. Hodisada oʻzbekistonlik talaba halok boʻlgandi.
AQSh rasmiylari "grin karta" lotereya dasturini toʻxtatib qoʻymoqda, deb eʼlon qildi AQSh Ichki xavfsizlik kotibi Kristi Noem.
Uning soʻzlariga koʻra, bunga sabab Braun universitetidagi otishmada gumonlanuvchi mamlakatga ushbu dastur orqali kelgan.
"Prezident Trampning koʻrsatmasi bilan men darhol USCISga (AQSh Fuqarolik va Immigratsiya Xizmatlari) amerikaliklarga ushbu dasturdan endi zarar yetkazmasliklarini taʼminlash uchun DV1 dasturini toʻxtatib qoʻyishni buyuraman", deb yozdi u X ijtimoiy media platformasida.
Braun universitetidagi otishmada ikki talaba halok boʻldi va yana bir necha kishi jarohat oldi.
Qurbonlardan biri oʻzbekistonlik talaba sanaladi.
Eslatib oʻtamiz, har yili kuzda oʻtkaziladigan dastur bu yil dekabrga kelib ham ochilmadi.