Akmal Shukurov ishini koʻrgan sudyalarga xizmat tekshiruvi tayinlandi

Dastlab 8 yilga qamalib, soʻng jazosi yengillashtirilgan Akmal Shukurov ishini koʻrgan sudyalarga xizmat tekshiruvi tayinlandi. Bu haqda Sudyalar oliy kengashi xabar berdi.

Ijtimoiy tarmoqlarda katta muhokamalarga sabab boʻlgan A. Shukurovga oid jinoyat ishi Toshkent shahar sudi apellyatsiya instansiyasida koʻrilib chiqilishi bilan bogʻliq holatlarga oydinlik kiritish yuzasidan xizmat tekshiruvi tayinlandi.

Xizmat tekshiruvi Sudyalar oliy kengashi tomonidan oʻtkazilmoqda.

Natijasi boʻyicha qoʻshimcha axborot beriladi.

Dastlab 8,1 yilga qamalgan sudlanuvchi apellyatsiya sudida ozod etilgandi. Soʻngra Toshkent shahar sudida 6 yillik jazo tayinlandi.