Professor Oybek Yaqubjanov vafot etdi
U Prezident maslahatchisi oʻrinbosari, Andijon qishloq xoʻjaligi instituti rektori kabi lavozimlarda ishlagan.
Andijon viloyati agrar sohasi rivojiga hissa qoʻshgan taniqli olim, qishloq xoʻjaligi fanlari doktori, professor Oybek Yaqubjanov 74 yoshida vafot etdi. Bu haqda Qishloq xoʻjaligi vazirligi xabar berdi.
Oybek Yaqubjanov uzoq yillar davomida qishloq xoʻjaligi va agrosanoat tizimida samarali faoliyat olib bordi.
Marhum faoliyati davomida Oʻzbekiston Prezidenti Davlat maslahatchisi oʻrinbosari, Andijon qishloq xoʻjaligi instituti rektori, shuningdek, qator masʼul rahbarlik va ilmiy lavozimlarda ishlagan.
Professor Oybek Yaqubjanov ilmiy-pedagogik faoliyati davomida koʻplab shogirdlar tayyorlagan.