AQSh Senati salkam 1 trln dollarlik mudofaa byudjetini maʼqulladi
Endi qonun loyihasi AQSh prezidenti Donald Trampga imzolash uchun yuboriladi. 2025-moliya yili uchun AQSh harbiy byudjeti 884 milliard dollarni tashkil etgandi.
AQSh Senati 901 milliard dollarlik mudofaa byudjeti toʻgʻrisidagi qonun loyihasini koʻpchilik ovoz bilan maʼqulladi.
Reuters xabar berishicha, qonun loyihasi 77-20 ovoz bilan qabul qilindi va ikki partiyaning kuchli qoʻllab-quvvatlashi bilan maʼqullandi. Endi qonun loyihasi AQSh prezidenti Donald Trampga imzolash uchun yuboriladi.
2025-moliya yili uchun AQSh harbiy byudjeti 884 milliard dollarni tashkil etgandi.
Amerika prezidenti Kongressdan 2026 yilda harbiy xarajatlar uchun 892,6 milliard dollar ajratishni soʻradi. Senat dastlab uni 925 milliard dollarga oshirishni taklif qildi, Vakillar palatasi esa Trampning taklifi bilan bir xil miqdorni qoʻllab-quvvatladi.
2026-moliya yili uchun Milliy mudofaa vakolatlari toʻgʻrisidagi qonun (NDAAA) Yevropada xavfsizlikni kuchaytirishga qaratilgan bir nechta qoidalarni oʻz ichiga oladi.
Shuningdek, u Ukrainaga 800 million dollarlik yordam koʻrsatish toʻgʻrisidagi qoidani ham oʻz ichiga oladi - keyingi ikki yilning har birida 400 million dollar. Shuningdek, u Latviya, Litva va Estoniya mudofaasini qoʻllab-quvvatlash uchun 175 million dollar ajratadi.
Bundan tashqari, qonun harbiy xizmatchilarning ish haqini 4 foizga oshirishni, AQShning Xitoyga investitsiyalarini cheklashni va Suriyaga qarshi sanksiyalarni bekor qilishni taklif qiladi. Tashabbus shuningdek, Yevropadagi AQSh qoʻshinlari sonini 76 ming kishigacha qisqartirishni ham oʻz ichiga oladi.