Oʻtkirjon Muysinaliyev Jizzax viloyati hokimiga oʻrinbosar boʻlmagan
Jizzax viloyati hokimligi axborot xizmati vaziyatni aniqlashtirib bersa, maqsadga muvofiq boʻlardi.
2025 yil fevral oyida Jizzax viloyati hokimining farmoyishi bilan Muysinaliyev Oʻtkirjon Alisherovichga viloyat hokimi oʻrinbosari – investitsiyalar, sanoat va savdo boshqarmasi boshligʻi vazifasini vaqtincha bajarish yuklatilgan. Hujjatda sababi keltirilmagan.
2025 yil dekabrga kelib, Muysinaliyev ushbu vazifadan ozod etilgani haqida xabar keldi. Platina.uz vaziyatga aniqlik kiritish maqsadida Jizzax viloyati hokimiyati bilan bogʻlandi.
Hokimiyatdagilar hokimning investitsiyalar boʻyicha oʻrinbosari vazifasiga vaqtincha Aziz Ibragimov tayinlanganini tasdiqladilar. Bu ham vaqtincha oʻrinbosar.
Oʻtkirjon Muysinaliyev xizmat safari yakunlangani sababli oʻzining asosiy ish joyi – Investitsiyalar, sanoat va savdo vazirligiga qaytgan.
Asosiy oʻrinbosar deb koʻrsatilgan Ibrohim Komilov bir yildan beri betob va davolanishda boʻlgan, hozir uning lavozimdan olingan yo olinmagani nomaʼlum.
Jizzax viloyati hokimligi axborot xizmati vaziyatni aniqlashtirib bersa, maqsadga muvofiq boʻlardi.
Platina.uz ushbu masalaga oydinlik kiritdi va tushunmovchilik uchun Oʻtkirjon Muysinaliyevdan uzr soʻraydi.
