Toshkent atrofida quriladigan avtoturargohlar poytaxtga shaxsiy avtomobilda kirishni cheklamaydi
Prezident matbuot xizmatining “poytaxtga kelayotgan mehmonlar avtomobilini shaharga kirishda qoldirib, tez va xavfsiz jamoat transportida harakatlanishi mumkin boʻladi”, degan xabari ayrim OAV va ijtimoiy tarmoqlarda notoʻgʻri talqin qilindi.
Toshkent atrofida tashkil etilayotgan avtoturargohlar poytaxtga kirishni cheklashni nazarda tutmaydi.
Prezident matbuot xizmatining “poytaxtga kelayotgan mehmonlar avtomobilini shaharga kirishda qoldirib, tez va xavfsiz jamoat transportida harakatlanishi mumkin boʻladi”, degan xabari ayrim OAVlarda va ijtimoiy tarmoqlarda notoʻgʻri talqin qilinmoqda.
Poytaxtga kirish nuqtalarida tashkil etilayotgan turargohlar mehmonlarga shaharga kirishni cheklash yoki avtomobil harakatini taqiqlashni nazarda tutmaydi.
Mazkur turargohlar Toshkentga kelayotgan fuqarolar uchun qoʻshimcha ixtiyoriy tanlov va qulaylik sifatida joriy etilmoqda. Yaʼni, haydovchilar oʻz istagiga koʻra avtomobilini ushbu joylarda qoldirib, qulay jamoat transporti orqali harakatlanish imkoniyatiga ega boʻladi.
Bunday yechimlar dunyoning yirik shaharlarida keng qoʻllanilayotgan amaliyot sifatida fuqarolarga qoʻshimcha qulaylik koʻrinishida taklif etiladi.