Qurilish vazirligi binosi 182,5 mlrd soʻmga sotildi
Bino uchun boshlangʻich narx 130 mlrd soʻmdan oshiqni tashkil etgan. Auksionda “O‘zshahar qurilish invest” MChJ gʻolib chiqdi.
Qurilish va uy-joy kommunal xoʻjaligi vazirligining maʼmuriy binosi qariyb 182,5 mlrd soʻmga sotildi. Bu haqda E-auksion maʼlumotlarida keltirib oʻtilgan. Auksionda “O‘zshahar qurilish invest” MChJ gʻolib chiqdi.
Bino Shayxontohur tumani Abay koʻchasi 6-uy manzilda joylashgan.
Auksion 16 dekabr kuni oʻtkazilgan va bir soat davom etgan. Bino uchun boshlangʻich narx 130 mlrd soʻmdan oshiqroqni tashkil etgan.
Ushbu bino Vazirlar Mahkamasining 2025 yil 7 martdagi 146-sonli qarori asosida xususiylashtirilmoqda.