Shavkat Mirziyoyev bugun Turkmanistonga uchib ketadi
U yerda xalqaro forumda qatnashadi, qator ikki tomonlama uchrashuvlar ham oʻtkazadi.
Oʻzbekiston Prezidenti Shavkat Mirziyoyev 11-12 dekabr kunlari amaliy tashrif bilan Turkmanistonga boradi.
Davlat rahbari Turkmanistonning doimiy betarafligi eʼlon qilinganining 30 yilligi, Xalqaro betaraflik kuni hamda 2025 yil "Xalqaro tinchlik va ishonch yili" deb eʼlon qilinganiga bagʻishlangan xalqaro forumda ishtirok etishi koʻzda tutilgan.
Sammit doirasida Oʻzbekiston rahbari qator ikki tomonlama uchrashuvlar ham oʻtkazadi.
Eslatib oʻtish kerak, Paragvay prezidenti Sanyago Penya 11-13 dekabr kunlari rasmiy tashrif bilan Oʻzbekistonga keladi.