Metan zapravkalar faoliyatiga cheklovlar kiritiladi
Cheklovlar mahalliy hokimliklar bilan kelishilgan reja-grafiklar asosida joriy etiladi.
Oʻzbekistonda metan zapravkalar faoliyatiga cheklovlar kiritiladi.
Qoʻshni davlatdagi gaz tarmogʻida kuzatilgan texnik nosozlik tufayli import qilinayotgan tabiiy gaz qisqarganligi sababli quyidagi zarur choralar koʻrilmoqda, deya xabar beradi Energetika vazirligi.
Birinchi navbatda aholi xonadonlari va ijtimoiy soha obʼektlarini (maktab, maktabgacha taʼlim tashkilotlari, shifoxonalar, oliy taʼlim muassasalari, issiqlik elektr stansiyalari va boshqalar) tabiiy gaz bilan barqaror taʼminlash bosh vazifalardan biri hisoblanadi.
Shu bois, aholi xonadonlari va ijtimoiy soha obʼektlarida tabiiy gaz bosimi pasayishini oldini olish maqsadida mahalliy hokimliklar bilan kelishilgan reja-grafiklarga asosan “metan zapravkalar” faoliyatiga vaqtincha cheklov kiritilmoqda.