Oʻzbekiston hududiga nam va sovuq havo massalari kirib keladi
Respublikaning togʻ oldi va togʻli hududlarida yomgʻir, qor yogʻadi. Harorat kechalari 2-5 daraja sovuqqacha pasayishi mumkin.
Joriy yilning 8-10 dekabr kunlari Oʻzbekiston hududiga nam va sovuq havo massalari kirib keladi. 8-9 dekabrda Oʻzbekiston boʻyicha baʼzi joylarda yomgʻir yogʻadi. Bu haqda "Oʻzgidromet" xabar berdi.
Respublikaning togʻ oldi va togʻli hududlarida 8-10 dekabrda yogʻingarchilik (yomgʻir, qor), vaqti-vaqti bilan kuchli boʻladi.
9-10 dekabrda shimolda va choʻl hududlarda baʼzi joylarda shamol tezligi 15-18 m/s gacha, ayrim joylarda baʼzida 20-22 m/s gacha kuchayadi.
10 dekabrga kelib, markaziy hududlarda harorat asta-sekin kechalari 2-5 daraja sovuqqacha, kunduz kunlari 3-6 daraja iliqqacha, shimolda kechalari 7-10 daraja sovuqqacha, kunduz kunlari 0-3 daraja sovuqqacha pasayishi kutilmoqda.