Toshkent davlat yuridik universitetiga rektor tayinlandi
Baxshillo Xodjayev avval universitetning ilmiy ishlar va innovatsiyalar boʻyicha prorektori lavozimida faoliyat koʻrsatgan.
Toshkent davlat yuridik universitetiga rektor tayinlandi.
Xodjayev Baxshillo Kamolovich Toshkent davlat yuridik universitetining rektori lavozimiga tayinlandi.
Baxshillo Xodjayev 1982 yilda Buxoro viloyati, Buxoro shahrida tugʻilgan. Maʼlumoti oliy, huquqshunos, 2-darajali adliya maslahatchisi. 2004 yilda Toshkent davlat yuridik institutini bakalavr bosqichini, 2006 yilda magistratura bosqichini, 2018 yilda Nagoya (Yaponiya) universitetining doktoranratura bosqichini tamomlagan.
Mehnat faoliyatini 2004 yilda “Mezon xususiy xizmati” advokatlik firmasi advokat yordamchisi lavozimidan boshlagan.
-2005-2006-yillarda Toshkent tuman Qishloq va suv xoʻjaligi boʻlimi yuridik xizmat mutaxassisi;
- 2006-2013-yillarda Toshkent davlat yuridik instituti “Xoʻjalik huquqi va xoʻjalik protsessual huquqi” kafedrasining oʻqituvchisi, katta oʻqituvchisi, dotsent vazifasini bajaruvchisi;
- 2013-2014-yillarda Toshkent davlat yuridik universiteti Biznes huquqi kafedrasi dotsent vazifasini bajaruvchisi;
- 2014-2018-yillarda Yaponiyadagi Nagoya universiteti Qiyosiy huquq yoʻnalishi doktoranti;
- 2018-2019-yillarda Adliya vazirligi huzuridagi Huquqiy siyosat tadqiqot institutining bosh maslahatchisi, boʻlimi boshligʻi, direktor oʻrinbosari;
- 2019-2020-yillarda Adliya vazirligi Yuridik taʼlim va sud-ekspertiza faoliyatini muvofiqlashtirish boshqarmasining boshligʻi oʻrinbosari;
-2020-2022-yillarda Toshkent davlat yuridik universiteti Biznes huquqi kafedrasining mudiri, Xususiy huquq fakultetining dekani.
Tayinlovga qadar (2022 yildan) Toshkent davlat yuridik universitetining ilmiy ishlar va innovatsiyalar boʻyicha prorektori lavozimida faoliyat koʻrsatgan.
Bungacha Islombek Rustambekov rektor vazifasini bajaruvchi boʻlib ishlab kelayotgandi.