platina.uz
Jamiyat

Andijonda narkosavdogarlar qoʻlga olindi

Ular Qirgʻiz Respublikasidan kontrabanda qilingan “Regapen” kuchli taʼsir qiluvchi dori vositalarini 12,8 ming dollarga sotayotganda ushlangan. 

Andijonda narkosavdogarlar qoʻlga olindi

Fargʻona vodiysida giyohvandlik vositalarining noqonuniy aylanmasiga qarshi tezkor tadbirlar oʻtkazildi.

DXX, Ichki ishlar va Bojxona organlari hamkorligida oʻtkazilgan tezkor tadbirda, Margʻilon shahrida yashovchi, 1996 y.t. fuqaroning “Matiz” rusumli avtotransport vositasi tegishli tartibda tekshirildi.

Natijada, avtomashina salonida 866 gr “gashish” moddasi borligi aniqlanib, ashyoviy dalil sifatida olib qoʻyildi.

Maʼlum boʻlishicha, gumonlanuvchi umr zavoli hisoblangan ushbu giyohvandlik vositasini kelgusida sotib, boylik orttirishni maqsad qilgan.

Hozirda unga nisbatan Jinoyat Kodeksining 25 orqali 273-moddasi 5-qismi bilan jinoyat ishi qoʻzgʻatilib, “qamoq” ehtiyot chorasi qoʻllanildi.

Tergov harakatlari olib borilmoqda.

Boshqa holatda esa, Fargʻona va Andijon shaharlarida yashovchi fuqarolarga kuchli taʼsir qiluvchi dori vositalarini sotish bilan shugʻullanib kelayotgan shaxslar toʻgʻrisida tezkor maʼlumotlar olingan. Soʻngra Davlat xavfsizlik xizmati, Ichki ishlar va Bojxona organlari xodimlari hamkorligida Fargʻona shahrida ularni qoʻlga olish tadbiri oʻtkazildi.

Jumladan, Andijon viloyatining Qoʻrgʻontepa tumanida yashovchi 2 nafar narkosavdogar Qirgʻiz Respublikasidan kontrabanda qilingan 4508 dona “Regapen” kuchli taʼsir qiluvchi dori vositalarini xaridorga 12.800 AQSh dollariga sotgan vaqtlarida qoʻlga olindi.

Hozirda ularga nisbatan Jinoyat Kodeksining 28 orqali 246-moddasi 1-qismi va 251 prim 1 moddasi 5-qismi bilan jinoyat ishi qoʻzgʻatilib, “qamoq” ehtiyot chorasi qoʻllanildi.

Tergov harakatlari olib borilmoqda.

© 2025 Platina.uz. Barcha huquqlar himoyalangan. «Platina.uz» saytida joylangan ma'lumotlar muallifning shaxsiy fikri. Saytda joylangan har qanday materiallardan yozma ruxsatsiz foydalanish ta'qiqlanadi.
O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan 02.12.2022 sanasida №051412 sonli guvohnoma bilan OAV sifatida roʻyxatga olingan.
Platina.uz saytida reklama joylashtirish masalasida +998 88 100 11 55 telefon raqamiga (Telegram: Platina PR) murojaat qiling. Tahririyat bilan aloqa: info@platina.uz
18+

Ilovamizni yuklab olish

iOSAndroid