Saida Mirziyoyeva kuch tuzilmalari rahbarlari bilan yigʻilish oʻtkazdi
Unda giyohvand moddalar savdosi va uyushgan jinoyatchilikka qarshi kurashish masalasi koʻtarildi.
Prezident administratsiyasi rahbari Saida Mirziyoyeva kuch tuzilmalari rahbarlari bilan yigʻilish oʻtkazdi.
Qatʼiy va doimiy nazoratni talab qiladigan yana bir muhim masala - giyohvand moddalar savdosi va uyushgan jinoyatchilikka qarshi kurashish ekani taʼkidlandi.
"Bugun Prezident Administratsiyasida kuch tuzilmalari rahbarlari bilan ishchi yigʻilish oʻtkazildi. Narkojinoyatchilik, jinoiy guruhlar va noqonuniy qurol-yarogʻ aylanmasiga qarshi kurashish boʻyicha muvofiqlashtirilgan samarali tizimni qisqa muddatda yaratish vazifasi qoʻyildi" deya yozadi Mirziyoyeva.
"Jamiyatda, birinchi navbatda yoshlar orasida giyohvand moddalarning tarqalishiga yoʻl qoʻymaslik, yosh avlodni giyohvandlik balosidan asrash va fuqarolar xavfsizligini taʼminlash davlatning bevosita burchidir. Bu yoʻnalishdagi har qanday noqonuniy xatti-harakatlarga qatʼiy ravishda chek qoʻyilishi shart", deya takidlanadi xabarda.