Portugaliya U17 jamoasi Jahon chempioni boʻldi
Nimchorak finalda Oʻzbekistonni yenggan Italiya esa 3-oʻrinni qoʻlga kiritdi.
Portugaliya U17 jamoasi Jahon chempioni boʻldi.
Qatarda oʻtkazilgan Jahon chempionatida ular Avstriyani 1:0 hisobida yengib, birinchi bor kubokni boshi uzra koʻtardi.
Qatarda boʻlib oʻtgan 17 yoshgacha boʻlgan oʻsmirlar oʻrtasidagi jahon chempionati finalida Portugaliya Avstriyani 1:0 hisobida magʻlub etib, ilk bor bu yosh toifasida chempion boʻldi.
Hal qiluvchi gol 32-daqiqada chap qanotdan uyushtirilgan ajoyib kombinatsiya yakunida Benfika hujumchisi Anisio Qabral tomonidan kiritildi.
Bu turnirdagi Kabralning yettinchi goli boʻlib, bu koʻrsatkich Avstriyaning “Oltin toʻp” sohibi Yoxannes Moserdan atigi bitta gol kam.
Ikkinchi boʻlimda Avstriya bosimni kuchaytirdi, biroq Portugaliya himoyada sobitqadamlik koʻrsatib, ustunligini yetuklik va taktik intizom bilan saqlab qoldi.
Uchrashuv Dohadagi "Halifa" stadionida boʻlib oʻtdi.
Kecha shuningdek, Jahon chempionati 3-oʻrin gʻolibi ham aniqlandi. Nimchorak finalda Oʻzbekistonni yenggan Italiya Braziliyani durangdan soʻng boʻlib oʻtgan penaltilar seriyasida 4:2 hisobida magʻlub etib, uchinchi oʻrin uchun bahsda gʻalaba qozondi.