Gongkongda minglab odamlar yashaydigan koʻpqavatli uylar yonib ketdi
Oqibatda 44 kishi halok boʻlgan. 279 kishi bedarak yoʻqolgani xabar berildi.
Gonkongda aholi yashaydigan bir necha koʻpqavatli uylar yonib ketdi.
South China Morning Post nashrining xabar berishicha, Gonkongdagi kvartiralar yongʻinida halok boʻlganlar soni 44 kishiga yetdi, yana 45 kishi ogʻir ahvolda.
Nashr maʼlumotlariga koʻra, 279 kishi bedarak yoʻqolgan.
26 noyabr kuni Gonkongdagi bir necha ming kishi istiqomat qiladigan turar-joy majmuasidagi koʻp qavatli binolar yonib ketdi. Baʼzi odamlar binolar ichida qolib ketgan edi.
Yongʻin boshlanganida majmuada keng koʻlamli taʼmirlash ishlari olib borilayotgan edi. Yongʻin tezda binolarga tarqaldi. Yongʻinning yakuniy sababi hali aniqlanmagan.
Xodisa bilan bogʻliq holda uch kishi odam oʻlimiga sabab boʻlishda ayblanib hibsga olindi. Politsiya qurilish kompaniyasining ikki direktori va maslahatchisini "qoʻpol tarzdagi beparvolik" uchun hibsga olganini eʼlon qildi.