Aliment toʻlovchilar sugʻurta polisi orqali xorijga chiqishi mumkin boʻladi
Bu kabi sugʻurta turlari tegishli litsenziyaga ega boʻlgan sugʻurtalovchilar tomonidan amalga oshiriladi.
Aliment toʻlovchilar sugʻurta polisi orqali chet davlatga borib kelishi mumkin boʻladi.
Adliya vazirligi "Sud hujjati asosidagi ijro hujjatlarini uzrsiz sabablarga koʻra ijro etmagan qarzdor jismoniy shaxslarning Oʻzbekistondan chiqishini vaqtincha cheklash boʻyicha vakolatli davlat organlarining hamkorligi toʻgʻrisida"gi nizomga qoʻshimchalarni davlat roʻyxatidan oʻtkazdi.
Unga koʻra, aliment toʻlashi shart boʻlgan shaxslar sugʻurta polisini ilova qilgan holda iltimosnoma bilan murojaat qilganda, davlat ijrochisi ularning chet davlatga chiqishi boʻyicha vaqtinchalik cheklovni toʻxtatib turadi.
Bu kabi sugʻurta turlari tegishli litsenziyaga ega boʻlgan sugʻurtalovchilar tomonidan amalga oshiriladi.
Sugʻurta polisining mavjudligi Majburiy ijro byurosi tomonidan Istiqbolli loyihalar milliy agentligining axborot tizimidan avtomatik ravishda aniqlanadi.