Issiqxonalarda ekologiya boʻyicha tartib kuchaytiriladi
Maydoni 200 kv metr va undan yuqori boʻlgan issiqxonalarda chang tozalash uskunasi boʻlmasa yuridik shaxslarga jarimalar 5 baravar, jismoniy shaxslarga 3 baravar oshiriladi. Air Uzbekistan platformasi ishga tushiriladi.
Toshkentda ekologik vaziyatni yaxshilash maqsadida Ekologiya qoʻmitasi yangi qonun loyihasini ishlab chiqadi. Bu haqda Prezident Shavkat Mirziyoyev "Toshkent shahrida ekologik vaziyatni yaxshilash boʻyicha kechiktirib boʻlmaydigan chora-tadbirlar toʻgʻrisida"gi Farmonida nazarda tutilgan.
Unda maydoni 200 kv metr va undan yuqori boʻlgan issiqxonalarda chang tozalash uskunasi boʻlmasa yuridik shaxslarga jarimalar 5 baravar, jismoniy shaxslarga 3 baravar oshiriladi.
Bunday issiqxonalarda mazut, shina va boshqa chiqindilar yoqilsa, qozonxonani davlat foydasiga musodara qilish boʻyicha jinoiy javobgarlik joriy etiladi.
2025 yil havo sifati monitoringini olib boruvchi 347 avtomatlashtirilgan stansiya sotib olinadi. Air Uzbekistan platformasi ishga tushiriladi.
Ekologiya qoʻmitasi huzurida PM 2,5 zarralari ifloslanish manbalarini aniqlovchi maxsus laboratoriya tashkil etiladi.
Iqtisodiyot va moliya vazirligi va "Oʻzavtosanoat" Toshkentda "Yevro-4" talabiga javob bermaydigan, 2010 yilgacha ishlab chiqarilgan avtomobillarni trade-in tartibida sotib olish boʻyicha tartib ishlab chiqadi. Tartib bbir oy ichida ishlab chiqilishi kerak.