Adiz Boboyev Samarqand viloyati hokimi etib tasdiqlandi
Xalq deputatlari Samarqand viloyati Kengashi sessiyasida tashkiliy masala koʻrib chiqildi.
Adiz Boboyev Samarqand viloyati hokimi lavozimiga tasdiqlandi.
Xalq deputatlari Samarqand viloyati Kengashi sessiyasida tashkiliy masala koʻrib chiqildi.
“Biz yurtimizda inson qadrini ulugʻlash, iqtisodiyotni barqaror oʻstirish orqali aholi farovonligini oshirish boʻyicha katta-katta marra va rejalarni olayapmiz. Bu ishlarni tashkil qilish uchun viloyatga zamonaviy fikrlaydigan, muammolarni tizimli tahlil qilib, innovatsion yechim bera olishga salohiyatli rahbar kerak”, – dedi davlatimiz rahbari.
Prezident Samarqand viloyati hokimi lavozimiga hokim vazifasini bajarib kelayotgan Adiz Boboyev nomzodini tavsiya etdi.
Viloyat faollarining nomzod haqidagi fikrlari tinglangach, viloyat hokimini tayinlash masalasi ovozga qoʻyildi. Ovoz berish natijalariga koʻra, Adiz Boboyev viloyat hokimi etib tasdiqlandi.
Prezidentimiz yangi hokimga u ish oʻrni yaratish, kambagʻallikni qisqartirish, investitsiya va eksportni koʻpaytirish, tannarxni kamaytirish va energiya tejamkorlikni oshirish boʻyicha Samarqandni namunali hududga aylantirishi shartligini koʻrsatib oʻtdi.