Hakamlik sudyasi pora bilan qoʻlga tushdi
Unga nisbatan Jinoyat kodeksining 168-moddasi 3-qismi “a” bandi va 28,211-moddasi 2-qismi “b” bandi bilan jinoyat ishi qoʻzgʻatilib, “qamoq” ehtiyot chorasi qoʻllanildi.
Hakamlik sudi sudyasi oʻzining yuqori lavozimda ishlovchi tanishlari orqali Andijon viloyatida istiqomat qiluvchi 2 nafar fuqaroni Janubiy Koreyaga mavsumiy ishchi sifatida yuborishga kelishib, 15 000 AQSh dollari talab qilgan. U ishni tezroq bitirib berish uchun oldindan 4100 AQSh dollarini “avans” tariqasida olgan.
Ammo bergan vaʼdasining ustidan chiqa olmagach, muqaddam olgan pulidan bir qismini qaytarib bergan vaqtida Davlat xavfsizlik xizmati hamda Iqtisodiy jinoyatlarga qarshi kurashish departamenti xodimlari tomonidan ashyoviy dalillar bilan ushlangan.
Hozir unga nisbatan Jinoyat kodeksining 168-moddasi 3-qismi “a” bandi va 28,211-moddasi 2-qismi “b” bandi bilan jinoyat ishi qoʻzgʻatilib, “qamoq” ehtiyot chorasi qoʻllanilgan.
Tergov harakatlari olib borilmoqda.