Yozuvchi va huquqshunos Isfandiyor vafot etdi
Uning "Saraton", "Meni tongda uygʻoting", "Qasam", "Qasoskor", "Xun"," Qaytish", "Oʻgʻri", "Inqiroz yoxud generallar oʻyini" kabi oʻnga yaqin qissa va romanlari chop etilgan.
Oʻzbekiston Yozuvchilar uyushmasi aʼzosi, yozuvchi, huquqshunos Isfandiyor vafot etdi. Bu haqda Yozuvchilar uyushmasi xabar berdi.
Isfandiyor Kimsan oʻgʻli Matkarimov 1946 yili Margʻilon shahrida tavallud topgan. 1969 yili Fargʻona Davlat pedagogika institutini, 1971 yili Fargʻonadagi musiqa oʻquv yurtini, 1978 yili Gorkiy nomidagi Adabiyot institutining nasr boʻlimini, 1981 yili "Davlatkino" qoshidagi Oliy stsenaristlar kursini, 1997 yili Toshkent yuridik institutini tamomlagan. 1996 yildan advokatlik lavozimida ishladi.
Uning "Saraton"," Meni tongda uygʻoting", "Qasam"," Qasoskor", "Xun"," Qaytish", "Oʻgʻri"," Inqiroz yoxud generallar oʻyini" kabi oʻnga yaqin qissa va romanlari chop etilgan.
U dramaturg sifatida "Otasining qizi"," Ishonmasang oʻlaman, xotin", "Gʻaroyib dori"," Sening taqdiring" kabi sahna asarlarini yaratadi. Isfandiyor ssenarist sifatida "XX asr dinozavrlari"," Qon ila yoʻgʻrilgan muhabbat" va "Loqaydlik mezoni" filmlarini yaratdi.