Prezidentning davlat korxonalarida tannarxni kamaytirish boʻyicha farmoyishi qabul qilindi
Undan koʻzlangan asosiy maqsad 2026 yilda davlat ulushi 50 foiz va undan yuqori boʻlgan korxonalarda mahsulot tannarxini kamaytirish va faoliyati samaradorligini oshirish etib belgilandi.
Davlat korxonalari faoliyati samaradorligi oshiriladi.
“Davlat korxonalarida tannarxni kamaytirish va samaradorlikni oshirish chora-tadbirlari toʻgʻrisida”gi Prezident farmoyishi (F–59-son, 18.11.2025 y.) qabul qilindi.
Farmoyishni qabul qilishdan koʻzlangan asosiy maqsad 2026 yilda davlat ulushi 50 foiz va undan yuqori boʻlgan korxonalarda mahsulot tannarxini kamaytirish va faoliyati samaradorligini oshirish etib belgilandi.
Farmoyishga koʻra, davlat korxonalarida mahsulot tannarxini kamaytirish va mehnat unumdorligini oshirishning quyidagi asosiy yoʻnalishlari belgilandi, jumladan:
- xarajatlarni har chorakda qayta tahlil qilish (spending review) orqali kelgusi davrdagi har bir yoʻnalish ustuvorligidan kelib chiqib, byudjetni toʻliq “noldan” qayta koʻrib chiqish;
- tejamkor ishlab chiqarish va meʼyorlash tamoyillarini joriy etish.
Shuningdek, davlat korxonalarida tannarxni kamaytirish va samaradorlikni oshirish masalalarini muvofiqlashtirish boʻyicha respublika komissiyasi tuziladi va uning asosiy vazifalari etib quyidagilar belgilandi, jumladan:
- davlat korxonalariga xarajatlarni maqbullashtirish va samaradorlikni oshirish boʻyicha dasturlar tayyorlashda metodologik yordam berish;
- toʻlov tizimini takomillashtirish orqali debitor va kreditor qarzdorliklarni kamaytirish.