Euronews oʻzbek jurnalistlari malakasini oshirishga koʻmaklashadi
Prezident matbuot kotibi Sherzod Asadov media xolding direktorlar kengashi raisi bilan uchrashdi.
Nufuzli Euronews Oʻzbekiston jurnalistlarining malakasini oshirishga koʻmaklashadi.
Prezident matbuot kotibi Sherzod Asadov Euronews media xoldingi direktorlar kengashi raisi Pedro Vargas David bilan uchrashuvda mazkur masalaga alohida eʼtibor qaratilgan.
Shuningdek, muzokarada Oʻzbekiston va Euronews oʻrtasidagi hamkorlikni yanada mustahkamlash va kengaytirish, mamlakatning ijobiy imijini jahon miqyosida ilgari surishga qaratilgan qoʻshma media loyihalarini amalga oshirish masalalari ham muhokama qilingan.
“Birgalikdagi ishlarni faol davom ettirgan holda Oʻzbekistondagi jadal islohotlar, xalqaro tashabbuslar va yirik voqealarni jahon auditoriyasiga yanada samaraliroq yetkazish imkonini beradigan sheriklikning yangi yoʻnalishlarini belgilab olishga kelishib oldik”, deb yozgan Sherzod Asadov.
Maʼlumot uchun, Euronews dunyo boʻyicha axborot tarqatuvchi media maydon hisoblanadi.