Jahon chempionatiga chiqqan jamoalar soni 42 taga yetdi
Karib havzasida joylashgan Kyurasao mamlakati termasi ilk bor mundialda oʻynaydi. Ushbu davlat hududi atigi 430 kv kmni tashkil etadi.
2026 yilda boʻlib oʻtadigan Jahon chempionatiga hozirda kamida 42 ta davlat yoʻllanma oldi.
18 noyabr oqshomida Avstriya, Shveysariya, Ispaniya, Belgiya, Shotlandiya, Panama, Gaiti va Kyurasao kabi davlatlar oʻz oʻrinlarini band qilishdi.
Ispaniya Turkiya bilan 2:2 hisobida durang oʻynadi, Shotlandiya 10 kishi boʻlib qolgan Daniyani 4:2 hisobida magʻlub etdi, Avstriya esa Bosniya va Gersegovinaga qarshi oʻz uyida 1:1 hisobida durang oʻynadi.
Kelgusi yilgi turnir uchun endi atigi oltita oʻrin qoldi.
JChga chiqqan terma jamoalar:
Mezbon davlatlar: Kanada, Meksika, Amerika Qoʻshma Shtatlari.
Osiyo: Avstraliya, Eron, Yaponiya, Iordaniya, Qatar, Saudiya Arabistoni, Janubiy Koreya, Oʻzbekiston.
Afrika: Jazoir, Kabo-Verde, Misr, Gana, Fil Suyagi sohili, Marokash, Senegal, Janubiy Afrika, Tunis.
KONKAKAF: Kyurasao, Gaiti, Panama
Yevropa: Avstriya, Belgiya, Xorvatiya, Angliya, Fransiya, Germaniya, Niderlandiya, Norvegiya, Portugaliya, Shotlandiya, Ispaniya, Shveysariya
Janubiy Amerika: Argentina, Braziliya, Kolumbiya, Ekvador, Paragvay, Urugvay.