Tojikistonning Oʻzbekistondagi elchisi oʻzgardi
Ushbu lavozimni Nasriddin Ismatullo egalladi. U Tojikiston tashqi ishlar vazirining birinchi oʻrinbosari boʻlib ishlagan.
Tojikistonning Oʻzbekistondagi elchisi oʻzgardi.
Abdujabbor Rahmonzoda Tojikistonning Oʻzbekistondagi elchisi lavozimidan ozod qilindi.
Prezident Imomali Rahmonning farmoni bilan 2021 yil 4 maydan beri Tojikistonning Oʻzbekistondagi elchisi boʻlib ishlagan Abdujabbor Rahmonzoda lavozimidan ozod qilindi.
Uning oʻrniga ilgari Tojikiston tashqi ishlar vazirining birinchi oʻrinbosari boʻlib ishlagan Nasriddin Ismatullo tayinlandi.
Oʻtgan hafta oxirida Tojikistonning AQShdagi elchisi lavozimidan ozod qilingan Farrux Hamralizoda tashqi ishlar vazirining birinchi oʻrinbosari etib tayinlangandi.
Hamralizoda 2020 yildan beri Tojikistonning AQShdagi elchisi boʻlib ishlagan.
Uning oʻrnini sobiq iqtisodiy rivojlanish vaziri Zavqi Zavqizoda egalladi.