Raqobat qoʻmitasi mobil aloqa qimmatlashuvini oʻrganishni boshladi
Operatorlar tomonidan raqobatga zid harakatlar aniqlansa, tekshiruv oʻtkaziladi.
Raqobat qoʻmitasi tomonidan mobil aloqa operatorlari tomonidan koʻrsatilayotgan xizmatlar uchun narxlarni oshirilishi yuzasidan oʻrganishlar boshlandi.
Qoʻmita tomonidan mobil aloqa operatorlarini narxlarni oshirilishi asosliligini oʻrganish maqsadida joriy yil noyabr oyining boshida tegishli tartibda soʻrovlar yuborilgan.
Bugungi kunga qadar, xizmat sifatini yaxshilash va qamrovini kengaytirish yuzasidan aloqa operatorlari tomonidan amalga oshirilayotgan xarajatlarning narxlarga taʼsiri toʻgʻrisida taqdim etilgan maʼlumotlar koʻrib chiqilmoqda.
Oʻrganish natijalarida operatorlar tomonidan raqobatga zid harakatlar, xususan muvofiqlashtirilgan harakatlarning alomatlari aniqlangan taqdirda oʻrnatilgan tartibda tekshirish oʻtkaziladi.
Ushbu holatlar tasdiqlanganda amaldagi qonunchilikka muvofiq qatʼiy choralar koʻrilishi maʼlum qilinadi.