Kiyevdagi Ozarbayjon elchixonasi Rossiya raketasi zarbasiga uchradi
Bu haqda Ukraina prezidenti Vladimir Zelenskiy maʼlum qildi. Rossiyaning tungi hujumida 4 kishi halok boʻlgan.
Rossiya raketasi boʻlaklari Kiyevdagi Ozarbayjon elchixonasiga quladi.
Ukraina prezidenti Vladimir Zelenskiy ijtimoiy tarmoqlarda Rossiyaning Kiyevga tungi hujumi paytida Ozarbayjon elchixonasi binosiga "Iskander" raketasining parchalari kelib tushganini yozdi.
"Kechadan beri bizning favqulodda xizmatlarimiz Rossiya hujumlari sodir boʻlgan joylarda ishlamoqda. Hozirda oʻnlab odamlar, jumladan, bolalar va homilador ayol jarohat olgani maʼlum. Afsuski, toʻrt kishi halok boʻldi. Ularning oilalari va yaqinlariga hamdardlik bildiraman"dedi Zelenskiy.
" Bu odamlar va fuqarolik infratuzilmasiga maksimal darajada zarar yetkazish uchun moʻljallangan qasddan qilingan hujum edi. Faqat Kiyevda oʻnlab turar-joy binolari shikastlangan. Ozarbayjon elchixonasi "Iskander" raketasining parchalari bilan urib tushirilgan.
Zarbaning asosiy nishoni Kiyev boʻlib, Kiyev, Xarkov va Odessa viloyatlariga ham zarbalar berilgan. Dastlabki maʼlumotlarga koʻra, ruslar bugun ertalab Sumi viloyatida Tsirkon raketasidan foydalanganlar. Ichki ishlar vaziri Igor Klimenko allaqachon qutqaruv operatsiyalarining borishi haqida xabar bergan. Xalqimizga yordam berayotgan barchaga minnatdorchilik bildiraman. Havo kuchlari qoʻmondoni Anatoliy Krivonojko ham havo mudofaasi operatsiyalarimiz natijalari haqida xabar berdi. Askarlarimizga samarali harakatlari uchun minnatdorchilik bildiraman", deyiladi bayonotda.
Hujumda taxminan 430 ta dron va 18 ta raketa, jumladan, ballistik va aeroballistik raketalar ishlatilgan.
Eslatib oʻtamiz, joriy yil yozda Rossiya va Ozarbayjon munosabatlari keskinlashgandi.