FIFA U-17: Oʻzbekiston Panamani tor-mor keltirdi
Oʻyinda futbolchilar chiroyli gollari, darvozabonimiz esa ajoyib seyvi bilan qahramonlik koʻrsatishdi.
Oʻsmirlar oʻrtasidagi jahon chempionati J guruhi 3-tur oʻyinida Oʻzbekiston terma jamoasi Panama ustidan yirik hisobda gʻalaba qozondi va pley-offga yoʻl oldi.
Birinchi taymda hisob ochilmagan boʻlsa-da, darvozamizga belgilangan penaltini qaytargan posbonimiz qahramonligi bilan esda qoldi, deyish mumkin.
Ammo ikkinchi boʻlimda yigitlarimizning ishtahasi ochilib ketdi va birin-ketin gollar ura boshladi. Dastlab 48-daqiqada Shukurullayev, keyin Hasanov 53-daqiqada gol urdi.
68-daqiqada Sodiqov, 90+1-daqiqada Rustamov, 90+4-daqiqada Aliyev hisobni yiriklashtirdi. 90+5-daqiqada esa Saidov penaltidan gol urib, 6:0 hisobini taʼminladi.
Guruhning ikkinchi uchrashuvida Paragvay va Irlandiya nursiz durang qayd etishdi. Shu tariqa Oʻzbekiston 2-oʻrin bilan pley-offga chiqdi. Raqiblarimiz keyinroq maʼlum boʻladi.
FIFA U-17, J guruhi, 3-tur
Oʻzbekiston - Panama 6:1
Gollar: Shukurullayev 48, Hasanov 53, Sodiqov 68, Rustamov 90+1, Aliyev 90+4, Saidov, 90+7 pen. - Pacheko 90+10
Irlandiya - Paragvay 0:0.
