FIFA U-17: Oʻzbekistonga biroz omad yetishmadi
Irlandiyaga qarshi ogʻir uchrashuvda oʻsmirlarimiz alamli tarzda magʻlub boʻlishdi.
Qatarda boʻlib oʻtayotgan jahon chempionati J guruhidagi 2-tur markaziy oʻyinida Oʻzbekiston Irlandiyaga magʻlub boʻldi.
Guruh peshqadamlari oʻrtasidagi bahs murosasiz va keskin kechishi oldindan kutilgan edi. Oʻzbekiston terma jamoasi yaxshi oʻynadi, ammo ozgina omad yetishmadi.
20-daqiqada Shukurullayev ajoyib zarba bilan hisobni ochgan boʻlsa, 33-daqiqada ikkinchi qavatda ustunlik namoyish etgan irlandlar hisobni tenglashtirishdi.
Ikkinchi taymda oʻyin yanada qizgʻin tus oldi. Raqiblar 75-daqiqada yana oʻsha ustunligidan foydalanib, hisobda oldinga chiqib olishdi.
Guruhning narigi oʻyinida Paragvay Panama ustidan 2:1 hisobida gʻalaba qozondi. Guruhda hozir Irlandiya 6 ochko bilan peshqadam boʻlib turibdi.
3-tur oʻyinlari 11 noyabr kuni boʻlib oʻtadi.
FIFA U-17, J guruhi, 2-tur
Irlandiya - Oʻzbekiston 2:1
Gollar: MakDonell 33, Nunan 75 - Shukurullayev 20.
Paragvay - Panama 2:1
Gollar: Aranda 51, Villaba 54 - Prito 90+4 avtogol.