Toshkentda tibbiyot xodimlari bayramiga 1,2 mlrd soʻm sarflanadi
Mablagʻlar poytaxt sogʻliqni saqlash bosh boshqarmasiga ajratiladi.
Toshkent shahrida “Tibbiyot xodimlari kuni”ga bagʻishlangan bayram tadbirlarini yuqori saviyada tashkil etish va oʻtkazish uchun 1,2 mlrd soʻm pul sarflanadi.
Mablagʻlar shahar mahalliy byudjetining zaxira jamgʻarmasi hisobidan poytaxt sogʻliqni saqlash bosh boshqarmasiga ajratiladi.
Toshkent shahar hokimining birinchi oʻrinbosari (B.Haydarov) ajratilgan mablagʻ ijrosi boʻyicha xalq deputatlari shahar kengashiga hisobot kiritishi belgilangan.
Toshkent shahar sogʻliqni saqlash bosh boshqarmasi (B.Isabekov) ajratilgan mablagʻni oʻrnatilgan tartibda va maqsadli sarflanishini taʼminlaydi.
Maʼlumot uchun, Oʻzbekistonda noyabr oyining ikkinchi yakshanbasi tibbiyot xodimlari kuni sifatida nishonlanadi.