AQSh davlat kotibi Marko Rubio Oʻzbekistonga keladi
Tashrif 2026 yilda amalga oshiriladi. Rubio Markaziy Osiyo mamlakatlari boʻylab safar qiladi.
AQSh davlat kotibi Oʻzbekistonga keladi.
AQSh Davlat kotibi Marko Rubio Markaziy Osiyo mamlakatlariga, jumladan, Oʻzbekistonga tashrif buyurishini eʼlon qildi. Rubio 2026 yilda Qozogʻiston, Qirgʻiziston, Tojikiston, Turkmaniston va Oʻzbekistonga tashrif buyuradi.
Bu haqda 6 noyabr kuni Davlat departamentida ushbu mamlakatlar tashqi ishlar vazirliklari rahbarlari ishtirok etgan qabul marosimida eʼlon qildi:
"Men kelasi yili barcha beshta davlatga tashrif buyurishni niyat qilganman. Bu bir hafta yoki undan koʻproq davom etadigan safar boʻladi".
Rubio AQSh va mintaqa mamlakatlarining iqtisodiy rivojlanish, bozorga kirish va tabiiy resurslarni qazib olish sohalaridagi manfaatlari bir-biriga mos kelishini taʼkidladi. Uning qoʻshimcha qilishicha, Qoʻshma Shtatlar hamkorlikni ham ikki tomonlama, ham C5+1 formatida kengaytirishni kutmoqda.
Eslatib oʻtamiz, Prezident Shavkat Mirziyoyev ayni paytda AQShda boʻlib turibdi.