Oʻzbekistonda davlat ijtimoiy sugʻurtasining yangi tizimi joriy etiladi
Fuqarolarga ushbu sugʻurta toʻlovlari Ijtimoiy himoya milliy agentligining Davlat ijtimoiy sugʻurta jamgʻarmasi orqali toʻlanadi.
2026 yil 1 yanvardan Oʻzbekistonda davlat ijtimoiy sugʻurtasining yangi tizimi joriy etiladi. Bu haqda prezident farmoni eʼlon qilindi.
Bunda fuqarolar davlat ijtimoiy sugʻurtasi bilan quyidagi shartlarda qamrab olinadi:
-majburiy asoslarda – Oʻzbekiston Respublikasining Davlat byudjeti toʻgʻrisidagi qonun bilan miqdori belgilanadigan jismoniy shaxslardan olinadigan daromad soligʻining bir qismi hisobidan;
-ixtiyoriy asoslarda – mehnatga haq toʻlash eng kam miqdorining 5 foizi miqdoridagi (hozircha 63 ming 550 soʻm) har oylik sugʻurta badalining eng kam miqdorini toʻlash evaziga.
Fuqarolarga davlat ijtimoiy sugʻurtasi boʻyicha toʻlovlar ularning minimal sugʻurta staji va toʻlagan sugʻurta badaliga mutanosib ravishda Ijtimoiy himoya milliy agentligining Davlat ijtimoiy sugʻurta jamgʻarmasi (Jamgʻarma) orqali toʻlanadi.
Avvalroq qayta sugʻurta tizimini takomillashtirishning asosiy yoʻnalishlari belgilangandi.
2026 yil 1 yanvardan majburiy raqamli markirovkalash qoidalarini buzish holatlarini soliq organlarining axborot tizimi orqali aniqlash boʻyicha masofaviy soliq tekshiruvini oʻtkazish tartibi joriy etiladi.