15 dekabr Butunjahon turkiy tillar kuni deb eʼlon qilindi
1893 yilning aynan shu kunida daniyalik olim Vilgelm Tomsen Oʻrxun bitiklari alifbosini oʻqib chiqqanini maʼlum qilgandi.
15 dekabr — Butunjahon turkiy tillar kuni sifatida belgilandi.
YuNESKO Bosh konferensiyasining Samarqanddagi sessiyasida 15 dekabr — Butunjahon turkiy tillar kuni, deb eʼlon qilindi.
Bu sana ramziy maʼnoga ega. 1893 yilning aynan shu kunida daniyalik olim Vilgelm Tomsen oʻzbek, ozarbayjon, qozoq, qirgʻiz, turk va turkman tillarining vujudga kelishiga sabab boʻlgan, turkiy tillar oilasining kelib chiqishidan dalolat beruvchi eng qadimgi yozma hujjatlardan biri — Oʻrxun bitiklari alifbosini oʻqib chiqqanini maʼlum qilgan.
YuNESKO maʼlumotlariga koʻra, turkiy tillar dunyo boʻylab 12 million kvadrat kilometrga yaqin hududda yashovchi 200 milliondan ortiq insonning ona tili hisoblanadi.