Toshkentda isitish mavsumi 3 noyabrdan boshlanadi
Shu kuni dastlab ijtimoiy obʼektlarga (maktab, bogʻcha, shifoxona va boshqalar) issiqlik beriladi.
Poytaxtda issiqlik taʼminoti 3 noyabrdan yoqiladi. Bu haqda Toshkent shahar hokimligi xabar berdi.
Toshkentda issiqlik berilishi boshlanadi.
Toshkent shahar hokimligi qaroriga koʻra, 3 noyabrdan — ijtimoiy obʼektlarda (maktab, bogʻcha, shifoxona va boshqalarda), 5 noyabrdan — turar joy binolarida markazlashgan issiqlik taʼminoti yoʻlga qoʻyiladi.
Avvalroq Toshkent viloyatida isitish tizimi yoqilishi xabar qilingandi.
Shahar va tuman hokimlari 1 hafta ichida qoʻshimcha ravishda barcha ijtimoiy soha obʼektlaridagi isitish qozonlarini xatlovdan oʻtkazishi kerak.