Odiljon Yaqubov Sariosiyo tumani hokimi boʻldi
Avval ushbu vazifada ishlab kelgan Abduqodir Donayev boshqa ishga oʻtgan.
Sariosiyo tumaniga yangi hokim tayinlandi.
Xalq deputatlari Sariosiyo tumani Kengashining navbatdan tashqari sessiyasi boʻlib oʻtdi. Sessiyada tashkiliy masala koʻrib chiqildi. Shu vaqtga qadar Sariosiyo tumani hokimi vazifasida ishlab kelgan Abduqodir Donayev boshqa ishga oʻtganligi sababli lavozimidan ozod etilgani maʼlum qilindi.
Viloyat rahbari tuman hokimi vazifasiga Yaqubov Odiljon Almaxamadovich nomzodini taklif qildi va nomzod tuman Kengashi deputatlari tomonidan maʼqullandi.
Odiljon Yaqubov 1983 yilda Oltinsoy tumanida tugʻilgan. 2005 yilda Toshkent davlat iqtisodiyot universitetini soliqlar va soliqqa tortish mutaxassisligi boʻyicha tamomlagan.
Mehnat faoliyati davomida soliq organlarida turli vazifalarda, xususan, Denov va Termiz tumanlarida davlat soliq inspeksiyasi boshligʻi, tuman hokimining birinchi oʻrinbosari lavozimlarida ishlagan.
Tayinlovga qadar Surxondaryo viloyati Kambagʻallikni qisqartirish va bandlik bosh boshqarmasi boshligʻi lavozida faoliyat yuritgan.
Avvalroq Forish, Navbahor, Narpay va boshqa huduudlarga hokimlar tayinlangandi.