Markaziy bank raisiga uchta oʻrinbosar tayinlandi
Nodir Achilov tayinlovga qadar Monetar operatsiyalar departamentiga rahbarlik qilgan.
Markaziy bankda yangi tayinlovlar amalga oshirildi.
Nodirbek Muhammadiyevich Achilov — Markaziy bank Raisining oʻrinbosari etib tayinlandi. Nodir Achilov bunga qadar Monetar operatsiyalar departamentiga rahbarlik qilgan.
Sanjar Salaydinovich Nosirov — Markaziy bank Raisining oʻrinbosari etib tayinlandi. Bungacha Sanjar Nosirov Kredit tashkilotlari faoliyatini tartibga solish metodologiyasi departamenti rahbari lavozimida ishlagan.
Nusratulla Nigmatullayevich Fazilov — Markaziy bank Raisining oʻrinbosari lavozimiga tayinlandi. N. Fazilov ilgari Banklarni prudensial nazorati departamentiga rahbarlik qilgan.