Hokim oʻrinbosarlari soni qisqartiriladi
Shunda har bir rahbarga kamida 3 nafar ijrochi xodim toʻgʻri keladi.
Viloyat hokimi oʻrinbosarlari soni 6 nafar, tuman va shaharlarda esa 4 nafargacha qisqartiriladi. Shunda har bir rahbarga kamida 3 nafar ijrochi xodim toʻgʻri keladi.
Bu haqda prezidentning “Hududlarni barqaror ijtimoiy-iqtisodiy rivojlantirish uchun hokimliklar faoliyatini takomillashtirish chora-tadbirlari toʻgʻrisida”gi farmonida belgilangan.
Farmonga koʻra, 2026 yil 1 yanvardan boshlab “Yangi Oʻzbekiston qiyofasidagi” 33 ta tuman (shahar) hamda Surxondaryo viloyatining barcha hududlarida 9 ta vazirlik va idoraning boʻlinmalari hokimliklar tarkibiga oʻtkaziladi. Hokimlar bu boʻlinmalar ustidan bevosita rahbarlik qiladi, xodimlarni tayinlaydi va ragʻbatlantiradi.
Qayd etish kerak, ayni paytda sanalgan idoralarning yarmidan koʻpi shundogʻam hokimiyatlar tarkibiga kiritilgan.
Shuningdek, KPI koʻrsatkichlariga toʻliq erishgan hokimlarga ajratiladigan mablagʻ 15% ga oshiriladi.