Putin Oʻzbekiston bosh prokurorini mukofotladi
Nigʻmatilla Yoʻldoshevdan tashqari Tojikiston Xavfsizlik kengashi kotibi Yusuf Rahmon va Karakas meri Karmen Tereza Melendes Rivas ham taqdirlandi.
Rossiya prezidenti Vladimir Putin Oʻzbekiston bosh prokurori Nigʻmatilla Yoʻldoshevni “Doʻstlik” ordeni bilan taqdirladi.
Bu haqda Rossiya prezidentining tegishli farmoni eʼlon qilindi.
Xuddi shu farmon bilan Putin Tojikistonning sobiq bosh prokurori, respublika Xavfsizlik kengashi kotibi Yusuf Rahmon va Venesuela poytaxti Karakas meri Karmen Tereza Melendes Rivasni ham “Doʻstlik” ordeni bilan taqdirladi.
Ular “xorijda rus tili va madaniyatini saqlash va ommalashtirishga qoʻshgan katta hissasi uchun" mukofotlangan.