Maktablarda kuzgi taʼtil 4 noyabrdan boshlanadi

Maktablarda kuzgi taʼtil 4 noyabrdan boshlanadi. Bu haqda Maktabgacha va maktab taʼlimi vazirligi xabar berdi.

Amaldagi tartibga koʻra, umumiy oʻrta taʼlim maktablari oʻquvchilari uchun joriy oʻquv yilining kuzgi taʼtili 2025 yil 4 noyabrdan boshlanadi va 9 noyabrga qadar davom etadi.

II chorak dars mashgʻulotlari 2025 yil 10 noyabrdan boshlanadi.

Eslatib oʻtamiz, 2025-2026 oʻquv yili 2 sentabr kunidan boshlangan edi.