Oʻzbekiston JCh qurʼasida qaysi savatchadan oʻrin olishi mumkinligi aytildi
Unda Avstriya, Norvegiya, Misr, Paragvay, Saudiya Arabistoni kabi jamoalar bor.
Markaziy Osiyodan jahon chempionatiga yoʻllanmani qoʻlga kiritgan birinchi terma jamoa boʻlgan Oʻzbekiston terma jamoasi 2026 yilgi jahon chempionati qurʼa tashlash marosimida 4-savatchaga joylashtirilishi mumkin. Bu haqda futbol mutaxassisi Alisher Nikimbayev maʼlum qildi.
12 oktabr holatiga koʻra, quyidagi jamoalar Oʻzbekiston termasi bilan bir savatchadan joy olishi mumkin:
Avstriya
Panama
Norvegiya
Misr
Jazoir
Paragvay
Kot-d’Ivuar
Tunis
Kosta-Rika
Saudiya Arabistoni
Janubiy Afrika
Jahon chempionatiga qurʼa tashlash uchun savatchalar – bu jamoalarning reytingi va geografik joylashuviga koʻra guruhlarga taqsimlanishi, turnirning final bosqichi uchun guruhlarning muvozanatli shakllanishini taʼminlaydi.
AQSh, Kanada va Meksikada boʻlib oʻtadigan jahon chempionati final bosqichiga qurʼa tashlash marosimi barcha saralash turnirlari yakunlanganidan keyin boʻlib oʻtadi.
Eslatib oʻtamiz, JCh ishtirokchilari hali toʻliq aniqlangani yoʻq. 14 oktabr kuni Qatar va Saudiya Arabistoni ham mundial yoʻllanmasini qoʻlga kiritdi.