Akbar Joʻrayev uch karra jahon chempioniga aylandi
Ogʻir atletika boʻyicha Norvegiyada oʻtkazilgan Jahon chempionatida yana bir oʻzbekistonlik Ruslan Nuriddinov bronza medalni qoʻlga kiritdi.
Sportchi Akbar Joʻrayev uch karra jahon chempioni boʻldi.
Ogʻir atletika Oʻzbekiston terma jamoasi aʼzolari Akbar Joʻrayev va Ruslan Nuriddinov Norvegiyada oʻtkazilgan Jahon chempionatidagi ishtirokini muvaffaqiyatli yakunladi.
110 kg vazn toifasida kechgan shiddatli bahslarda yurtdoshlarimiz jami 3 ta oltin va 2 ta bronza medalini qoʻlga kiritishdi.
Maʼlumot oʻrnida aytib oʻtamiz, 33 yoshli Ruslan Nuriddinov bungacha Jahon chempionatlarida 3 ta oltin va 3 ta kumush medalni qoʻlga kiritgan edi. Endi esa uning shaxsiy sovrinlar jamgʻarmasiga yana 2 ta bronza medali qoʻshildi.
26 yoshli Akbar Joʻrayev esa ilgari Jahon birinchiliklarida 2 ta oltin medal sohibi boʻlgan. Bu safar u oʻz gʻalabalar roʻyxatini yana 3 ta oltin medal bilan boyitdi va shunday qilib, uch karra jahon chempioni unvoniga sazovor boʻldi.