Tramp emas: tinchlik boʻyicha Nobel mukofoti egasi eʼlon qilindi
Venesuelalik sobiq deputat Mariya Korina Machado "demokratik huquqlarni ilgari surish yoʻlidagi tinimsiz harakati" sabab Nobelga loyiq koʻrildi.
Donald Tramp emas: Mariya Korina Machado tinchlik boʻyicha Nobel mukofotini qoʻlga kiritdi.
Venesuelalik sobiq deputat “xalqning demokratik huquqlarini ilgari surish yoʻlidagi tinimsiz harakati uchun” tinchlik boʻyicha Nobel mukofotiga sazovor boʻldi.
"Machado oʻtgan yili yashirinishga majbur boʻlgan. Hayotiga jiddiy tahdidlarga qaramay, u mamlakatda qoldi, bu tanlov millionlab odamlarni ilhomlantirdi. U oʻz mamlakati muxolifatini birlashtirdi", - deya bayonot beradi qoʻmita.
Yetti davlat esa AQSh prezidenti Donald Trampni tinchlik boʻyicha Nobel mukofotiga nomzod qilib koʻrsatdi. Ammo AQSh prezidentining omadi chopmadi.
Hatto Gʻazoda erishilgan tinchlik bitimidan keyin ham Trampga mukofot nasib etmadi. OAVga koʻra, qoʻmita mukofot egasini bitimgacha tanlab boʻlgan.
