Savdo-sanoat palatasi raisiga oʻrinbosar tayinlandi
Shahlo Ibragimova tayinlovga qadar “Mikrokreditbank” ATB boshqaruv raisi oʻrinbosari sifatida ishlab kelayotgandi.
Savdo-sanoat palatasi raisiga oʻrinbosar tayinlandi.
Ibragimova Shahlo Alimbayevna Oʻzbekiston Savdo-sanoat palatasi raisining xotin-qizlar va yoshlar tadbirkorligini rivojlantirish hamda tadbirkorlik asoslariga oʻquvlarni tashkil etish boʻyicha oʻrinbosari lavozimiga tayinlandi.
Shahlo Ibragimova 1975 yilda Xorazm viloyatida tugʻilgan. 1996 yilda Toshkent davlat iqtisodiyot universitetini tamomlagan.
Mehnat faoliyatini 1995 yilda bank tizimida boshlagan. Shu yillar davomida Toshkent davlat iqtisodiyot universiteti, Oʻzbekiston Respublikasi Oliy Majlisi Senati, Markaziy saylov komissiyasi va Prezident Devonida masʼul lavozimlarda faoliyat yuritgan.
Tayinlovga qadar “Mikrokreditbank” ATB boshqaruv raisi oʻrinbosari sifatida ishlab kelgan.