Filippinda kuchli zilzila oqibatida 60 kishi halok boʻldi
Mamlakat seysmologiya instituti (Phivolss) maʼlumotlariga koʻra magnituda 7,0 ni tashkil etgan. Vayronalar ostida odamlar qolib ketgan.
Filippinning Sebu provinsiyasida sodir boʻlgan 6,9 magnitudali zilzila oqibatida 60 kishi halok boʻldi.
Qurbonlar haqida hanuzgacha toʻliq maʼlumotlar yoʻq, deb xabar bermoqda Reuters fuqarolik mudofaasi maʼmuriyati oʻrinbosari Raffi Alejandroning brifingiga asoslanib.
Zilzila 30 sentabr kuni kechqurun sodir boʻlgan va Visaya orollarining koʻp qismida hamda Luzon va Mindanaoning ayrim qismlarida sezilgan.
Zilzila 30 sentabr kuni mahalliy vaqt bilan 21:59 da (Toshkent vaqti bilan 18:59) Bogo shahridan 20 kilometr shimoli-sharqda sodir boʻlgan. Filippin vulqonologiya va seysmologiya instituti (Phivolss) maʼlumotlariga koʻra, u 7,0 magnitudali boʻlib, Bogo, Danbantayan, Medellin, San-Remixo va Tabuelanda sezilgan.
Bogodagi epitsentrda yuzlab yerosti silkinishlari qayd etilgan.
ABC-CBN News maʼlumotlariga koʻra, soʻnggi 400 yil ichida hududda buncha kuchli zilzila kuzatilmagan. Phivolss seysmologiya boʻyicha direktori Vinchell Sevilla xodimlar qoʻshimcha maʼlumot yigʻish uchun zilzila epsentriga yoʻl olishayotgani xabar qilingan.
Qurbonlarning jasadlari Bogo shahar shifoxonasiga yetkazilgan, deb xabar berdi tez yordam markazi.
Rasmiylarning maʼlum qilishicha, San-Remijio munitsipalitetida sport va dam olish markazi binosi qulab, vayronalar ostida odamlar qolib ketgan.