Manba: OʻFA Fabio Kannavaro bilan muzokara oʻtkazdi
2006 yilgi “Oltin toʻp” sohibi Kannavaro milliy jamoani boshqarishi mumkin. Avval Paulu Bentu rad javobi bergandi.
Italiyalik murabbiy Oʻzbekistonni boshqarishi mumkin.
Oʻzbekiston futbol federatsiyasi 2006 yilgi “Oltin toʻp” sohibi Fabio Kannavaro bilan bogʻlangan. Uning milliy terma jamoaga bosh murabbiy etib tayinlanishi masalasini muhokama qilingan.
Bu haqda jurnalist va insayder Fabritsio Romano oʻzining ijtimoiy tarmoqdagi sahifasida xabar berdi.
Manbaga koʻra, ayni damda Oʻzbekiston futbol federatsiyasi va Kannavaro oʻrtasida muzokaralar davom etmoqda.
Soʻnggi vaqtlarda OʻFA xorijdan faol tarzda murabbiy izlayapti.
Futbol boʻyicha Germaniya terma jamoasiga ustozlik qilgan germaniyalik murabbiy Yoaxim Lyov Oʻzbekiston milliy terma jamoasi bosh murabbiyligidan voz kechgani avvalroq xabar qilingandi.
Soʻngra Fotih Terim varianti ham koʻrib chiqildi. Shuningdek, portugaliyalik Paulu Bentu Oʻzbekiston taklifini rad etdi. Murabbiy OʻFA bilan shartnoma shartlarini kelisha olmagan.